همسةعنا والحب ينبض بصدري
وفزفزت لك من حلم عيني عصافـــير
إن غرّدت تشرق على حب عذري
وإن سافرت صدق المشاعرنواوير
هاتي إيدينك... لاتقولين بــدري
الوقت يسرقنا على أقل تقدير
لا...لا يطوف الوقت تدرين وأدري
إن الحياة إليا إنكسر حلمها تصير
ظلمــــــى ..
وتصير الناس غير الناس
والوقت ماهو وقت
والدقايق والثواني
ماهي إلا شئ فاني
في عمر الحياة
إشرقي بي
شمس لا إحتجتك.. دفا
علميهم إيش معنى الوفا
وعلميهم إنك إنتي
نور هالدنيا بوجودك
وإنك إن غبتي علينا
نور هالعالم .. طفااااا
إنتي حلمي ..
وإنتي فـ عيوني الحياه
لاعدمتك ..
بأختصر طول المسافه
وأرتشف روحك طهر
وأرتويك بليل عيني والسهر
أحلى قصيدة
وأعذب لحون الوفا
وإنك إنتي بس إنتي
غنوة القلب و مناه
نايف الريّا الظفيري
